Pálína og saumamaskínan

 

        Það var einu sinni kerling

        og hún hét Pálína,

        Pálína-na-na, Pála, Pála, Pálína

        það eina sem hún átti var saumamaskína,

        maskína-na-na, sauma, saumamaskína.

 

        Og kerlingin var lofuð

        og hann hét Jósafat,

        Jósa-fat-fat, Jósa, Jósa, Jósafat.

        En hann var voða heimskur og hún var apparat,

        apparat-rat-rat, appa, appa, apparat.

 

        Hann átti gamlan kútter

        og hann hét Gamli Lars,

        Gamli Lars, Lars, Lars. Gamli, Gamli, Gamli Lars.

        Hann erfði hann frá mútter og hún var voða skass,

        voða skass, skass, skass, voða, voða, voða skass.

 

        Svo hripaði hann línu

        til hennar Pálínu,

        Pálínu-nu-nu, Pálu, Pálu, Pálínu.

        Og bauð henni út á Lars með sína saumamaskínu,

        maskínu-nu-nu, sauma-saumamaskínu.

 

        Svo sigldu þau í blússi

        út á hið bláa haf,

        bláa haf, haf, haf, bláa bláa haf.

        Svo rákust þau á blindsker og allt ætlaði í kaf,

        allt í kaf, kaf, kaf, allt í bóla, bóla kaf.

 

        Og Jósafat hann æpti:

        Við höfum okkur fest

        höfum fest, fest, fest, höfum, höfum okkur fest.

        Ég held ég verði að kasta minni balla, balla lest,

        ballalest-lest-lest, balla, balla, ballalest.

 

        Það fyrsta sem hann kastaði

        var saumamaskína,

        maskína-na-na, sauma, saumamaskína.

        Á eftir fór í hafið hans kæra Pálína,

        Pálína-na-na, Pála, Pála, Pálína.

 

        Nú reikar hann um og syrgir

        sína góðu kærustu,

        kærustu-stu-stu, sína kæru kerlingu

        sem situr niðri á hafsbotni og snýr saumamaskínu

        maskínu-nu-nu, sauma, saumamaskínu.

 

 

        Pálína með prikið

        Norskt þjóðlag

        Guðmundur Daníelsson

 

        Pálína með prikið

        potar sér gegnum rykið,    

        rogast hún með rjóma, rembist hún með smjör.

        Þetta verður veisla, vítamín og fjör.

        :,: Pálína með prikið. :,:

 

        Pálína með pakkann

        pjakkar heim allan bakkann.

        Vertu ekki vond þótt vísan sé um þig.

        Pálína með pakkann, passar fyrir mig.

 

        Palli var einn í heiminum
        (lag:  Búkolla í Bankastræti)

        Ég þekki lítinn labbakút,

        sem langaði að stelast út.

        Á litlu tánum læddist einn,

        en langaði ekki að vekja neinn.

        :,: Ha, ha, ha, trúðu mér,

        Palli var einn í heimi hér:,:

        Út á götu æddi hann,

        og ekki nokkurn þar hann fann.

        Suður í búð hann síðan gekk

        og súkkulaðimola fékk.

        :,: Ha, ha, ha, trúðu mér,

        Palli var einn í heimi hér:,:

 

        Piparkökusöngurinn

 

        Þegar piparkökur bakast

        kökugerðarmaður tekur

        fyrst af öllu steikarpottinn

        og eitt kíló margarín.

        Bræðið yfir eldi smjörið

        er það næsta sem hann gjörir

        er að hræra kóló sykurs

        saman við það, heillin mín.

 

        Þegar öllu þessu er lokið

        takast átta eggjarauður

        maður þær og kíló hveitis

        hrærir og í potti vel.

        Síðan á að setja í þetta

        eina litla teskeið pipar

        svo er þá að hnoða deigið

        og breiða það svo út á fjöl.