Deildirnar í leikskólanum Austurkór

Leikskólinn Austurkór er sex deilda leikskóli með fimm starfræktar deildir. Deildirnar heita Sjónarhóll, Esja, Askja, Dyngja og Perla.

Á Sjónarhól og Esju eru börnin á aldrinum 3-5 ára og tilheyra bláa gangi. Mikil samvinna er á milli þessara deilda. Á Öskju og Dyngju eru börnin tveggja ára gömul en á Perlu eru börnin eins árs. Askja tilheyrir gula gangi og Dyngja og Perla rauða gangi. Mikil samvinna er á milli þessara þriggja deilda.