Í Hlíðarendakoti

        Lag: Friðrik Bjarnason

        Ljóð: Þorsteinn Erlingsson

 

        Fyrr var oft í koti kátt,

        krakkar léku saman.

        Þar var löngum hlegið hátt,

        hent að mörgu gaman.

        Út um stéttar urðu þar

        einatt skrítnar sögur,

        þegar saman safnast var

        sumarkvöldin fögur.

 

        Eins við brugðum okkur þá

        oft á milli bæja

        til að kankast eitthvað á,

        eða til að hlæja.

        Margt eitt kvöld og margan dag

        máttum við í næði

        æfa saman eitthvert lag,

        eða syngja kvæði.

 

        Bænum mínum heima hjá

        Hlíðar brekkum undir

        er svo margt að minnast á

        margar glaðar stundir.

        Því vill hvarfla hugurinn,

        heillavinir góðir,

        heim í gamla hópinn minn,

        heim á fornar slóðir.

 

        Í grænni lautu

        Danskt lag

        Ljóð: Steingrímur Arason

 

        Í grænni lautu,

        þar geymi ég hringinn,

        :,: sem mér var gefinn

        og hvar er hann nú? :,:

 

        Í leikskóla er gaman

        Ljóð: Gylfi Ægisson

 

        Í leikskóla er gaman,

        þar leika allir saman.

        Leika úti og inni

        og allir eru með.

 

        Hnoða leir og lita,

        þið ættuð bara að vita

        hvað allir eru duglegir

        í leikskólanum hér.