Óli í skógi

 

        Litli Óli í skógi

        milli trjánna hann reikar,

        en þá allt í einu sér hann

        alveg gríðarstóran skógarbjörn!

        (Í næstu vísum sér Óli: hund, mjólkurkú, sæta mjaltakonu og  sterkan mann).

 

 

        Ólafía hvar er Vigga

 

        Ólafía, hvar er Vigga,

        Ólafía, hvar er Vigga?

        Hún fór upp í sveit

        að elta gamla geit.

        Ólafía, hvar er Vigga?

 

        Ólafía, hvar er Vigga,

        Ólafía, hvar er Vigga?

        Hún fór út í lönd

        að kaupa axlabönd.

        Ólafía, hvar er Vigga?

 

        Ólafía, hvar er Vigga,

        Ólafía, hvar er Vigga?

        Hún fór oní bæ

        að kaupa blómafræ.

        Ólafía, hvar er Vigga?

 

        Óskasteinar

        Lag: Bardos Lajos

        Ljóð Hildigunnur Halldórsdóttir

 

        Fann ég á fjalli fallega steina

        faldi þá alla, vildi þeim leyna,

        huldi þar í hellisskúta heilla steina,

        alla mína unaðslegu óska steina.

 

        Langt er nú síðan leit ég þá steina

        lengur ei man ég óskina neina

        er þeir skyldu uppfylla um ævidaga

        ekki frá því skýrir þessi litla saga.

 

        Gersemar mínar græt ég ei lengur,

        geti þær fundið telpa eða drengur

        silfurskæra kristalla með grænu og gráu

        gullna roðasteina rennda fjólubláu.

 

        Óli og Berta

        Óli fór til Bertu, bakaríistertu,

        og bað hana að kyssa sig.

        Þá sagði Berta, bakaríisterta:

        “Bara ef þú elskar mig!”

        Þá sagði Óli, sem var á hjóli,

        “Berta, ég elska þig!”

        Glöð sagði Berta, bakaríisterta,

        “Nú máttu kyssa mig!”

        (“kyss - kyss” (kysst út í loftið))

 

        Ó mamma

        Ó, mamma gef mér rós í hárið á mér

        því tveir litlir strákar eru skotnir í mér.

        Annar er blindur og hinn ekkert sér,

        ó, mamma gef mér rós í hárið á mér.

        Þegiðu stelpa, þú færð enga rós,

        farðu heldur með henni Gunnu út í fjós,

        þar eru kálfar og þar eru kýr,

        þar eru fötur til að mjólka í.