Fljúga hvítu fiðrildin
Fljúga hvítu fiðrildin
fyrir utan glugga.
Þarna siglir einhver inn
ofurlítil dugga.
Fagur fiskur í sjó
Fagur fiskur í sjó
brettist upp á halanum
með rauða kúlu á maganum.
Vanda, banda,
gættu þinna handa.
Vingur, slyngur,
vara þína fingur.
Fetta, bretta,
brátt skal högg á hendi detta.
Fimm litlir apar
Fimm litlir apar sátu uppi´í tré,
þeir voru að stríða krókódíl-
"Þú nærð ekki mér!"
Þá kom hann herra Krókódíll, hægt og rólega
- og NAMM! (smjatt-smjatt-smjatt).
Fjórir litlir apar sátu…
(sungið þar til enginn api er eftir)
Fimmeyringurinn
Lag: Felix Körling
Ef að nú hjá pabba einn fimmeyring ég fengi,
fjarskalega hrifin og glöð ég yrði þá.
Ég klappa skildi pabba og kyssa vel og lengi,
og kaupa síðan allt sem mig langar til að fá.
Fyrst kaupi ég mér brúðu sem leggur aftur augun
og armbandsúrið fína af fallegustu gerð.
Og af því hvað hún mamma er orðin þreytt á taugum,
þá ætla ég að kaupa bíl í hverja sendiferð.
Hjólhest og járnbraut ég ætla að gefa Geira,
gríðarstóra flugvél ég kaupi fyrir Finn,
svo kaupi ég mér döðlur og súkkulaði og fleira
og síðan skal ég gefa pabba allan afganginn.
Fingurnir
Einn lítill,
tveir litlir,
þrír litlir fingur,
fjórir litlir,
fimm litlir,
sex litlir fingur,
sjö litlir,
átta litlir,
níu litlir fingur,
tíu litlir fingur á höndum.
Tíu litlir,
níu litlir,
átta litlir fingur,
sjö litlir,
sex litlir,
fimm litlir fingur,
fjórir litlir,
þrír litlir,
tveir litlir fingur,
einn lítill fingur á hendi. höndum.
Fílaleiðangur
Einn fíll lagði af stað í leiðangur,
lipur var ei hans fótgangur.
Takturinn fannst honum heldur tómlegur,
svo hann tók sér einn til viðbótar.
Tveir fílar lögðu af stað í leiðangur,
lipur var ei þeirra fótgangur.
Takturinn fannst þeim heldur tómlegur,
svo þeir tóku sér einn til viðbótar.
Þrír fílar o.s.frv.
Fram, fram fylking
Þjóðlag
Ljóð: Ari Jónsson
Fram, fram fylking,
forðum okkur hættu frá,
því ræningjar oss vilja ráðast á.
Sýnum nú dug,
djörfung og hug.
Vaki, vaki vaskir menn
því voða ber að höndum.
Sá er okkar síðast fer,
sveipast hörðum böndum.
Foli foli fótalipri
Þjóðlag frá Lepplandi
Hildigunnur Halldórsdóttir
:,: Foli, foli fótalipri
flýttu þér nú heim að bæ :,:
:,: Tra-rí ra-la-la
flýttu þér nú heim að bæ:,:
:,: Heima mun þín heyið bíða
en hjá mömmu koss ég fæ :,:
:,: Tra-rí ra-la-la
en hjá mömmu koss ég fæ :,:
:,: Herðir hlaupin hlaupagarpur
hreint ei telur sporin sín :,:
:,: Tra-rí ra-la-la
hreint ei telur sporin sín :,:
:,: Aldrei hef ég heldur Jarpur
hafrastráin talið þín :,:
:,: Tra-rí ra-la-la
Frost er úti fuglinn minn
Frost er úti fuglinn minn, ég finn hvað þér er kalt.
Nærðu engu í nefið þitt, því nú er frosið allt?
En ef þú bíður augnablik ég ætla flýta mér,
að biðja hana mömmu mína um mylsnu handa þér.
Fatavísur (lag: Gamli Nói)
Sumarfötin, sumarfötin setjum inn í skáp
Geymum þau í vetur og klæðum okkur betur.
Sumarfötin, sumarfötin setjum inn í skáp.
Þykku fötin, þykku fötin þykja best í snjó.
Þegar út við þjótum og karl úr snjó við mótum.
Þykku fötin, þykku fötin þykja best í snjó.
Pollafötin, pollafötin puðumst við nú í.
Úti regnið bylur, stétt og steina hylur.
Pollafötin, pollafötin puðumst við nú í.
Fingraþula
Þumalfingur er mamma,
sem var mér vænst og best.
Vísifingur er pabbi,
sem gaf mér rauðan hest.
Langatöng er bróðir,
sem býr til falleg gull.
Baugfingur er systir,
sem prjónar sokka úr ull.
Litlifingur er barnið,
sem leikur að skel.
Litlu pínu anginn,
sem stækkar svo vel.
Fiskalagið
Nú skulum við syngja um fiskana tvo
sem ævi sína enduðu í netinu svo.
Þeir syntu og syntu og syntu um allt,
en mamma þeirra sagði: “Vatnið er kalt”.
Baba, búbú, baba, bú!
Baba, búbú, baba, bú!
Þeir syntu og syntu og syntu um allt,
en mamma þeirra sagði: “Vatnið er kalt”.
Annar hét Gunnar en hinn hét Geir,
þeir voru pínulitlir báðir tveir.
Þeir syntu og syntu og syntu um allt,
en mamma þeirra sagði: “Vatnið er kalt”.
Baba, búbú, baba, bú!
Baba, búbú, baba, bú!
Þeir syntu og syntu og syntu um allt,
en mamma þeirra sagði: “Vatnið er kalt”.
Furðuverk
Ég á augu, ég á eyru,
ég á lítið skrýtið nef.
Ég á augnabrúnir og augnalok
sem lokast er ég sef.
Ég á kinnar og varir rauðar
og á höfði hef ég hár.
Eina tungu og tvö lungu
og heila sem er klár.
Ég á tennur og blóð sem rennur
og hjarta sem að slær.
Tvær hendur og tvo fætur,
tíu fingur og tíu tær.
Ég get gengið og ég get hlaupið,
kann að tala mannamál.
Ég á bakhlið, ég á framhlið
en innst inni hef ég sál.
Því ég er furðuverk, algjört furðuverk
sem að guð bjó til.
Ég er furðuverk, algjört furðuverk,
lítið samt ég skil.
Fíllinn
Ó tókstu eftir þar,
hvað upp´á lofti var:
eitt ferlegt flykki sá,
er fór á hjóli hjá.
Ég sá þar stærðar fíl,
sem var í nýjum stíl;
hékk sínum hala á,
hafði lengri framan á.
Fiskibolludósin
Það var dós, dós, fiskibolludós
út í skúr, út í skúr, út í skúr, út í skúr.
Það var dós, dós, fiskibolludós
á hillu út í skúr.
Mér er alveg sama hvar hún er
:,:hún má vera í friði þar fyrir mér. :,:
Það var fat, fat, gamalt vaskafat,
út við læk, út við læk, út við læk, út við læk.
Það var fat, fat, gamalt vaskafat,
á hvolfi út við læk.
Mér er alveg sama!
Það var skór, skór, gamall strigaskór,
út við tjald, út við tjald, út við tjald, út við tjald.
Það var skór, skór, gamall strigaskór,
í rusli út við tjald.
Mér er alveg sama!
Það var rokk, rokk, rokkabilli rokk,
út í búð, út í búð, út í búð, út í búð.
Það var rokk, rokk, rokkabilli rokk,
út í Breiðfirðingabúð.
Mér er ekki sama hvar það er
;,: ég vil vera þar sem rokkið er. :,:
Ég vil vera þar sem rokkið er.