Baggalútur

        Hvað kanntu að vinna,

        Baggalútur minn?

        Þráðarkorn að spinna

        og elta lítið skinn.

        Kveikja ljós og sópa hús,

        bera inn ask og fulla krús

        og fara fram í eldhús.

 

        Bátasmiðurinn

        Sænskt þjóðlag

        Birgir Sigurðsson

 

        Ég negli og saga

        og smíða mér bát

        og síðan á sjóinn

        ég sigli með gát.

 

        Og báturinn vaggar

        og veltist um sæ,

        ég fjörugum fiski

        með færinu næ.

 

        Buxur, vesti, brók og skó

        Íslenskt þjóðlag

        Jónas Hallgrímsson

 

        Buxur, vesti, brók og skó,    

        bætta sokka nýta,

        húfutetur, hálsklút þó,

        háleistana hvíta.

 

        Bangsi lúrir

        Bangsi lúrir, bangsi lúrir

        bæli sínu í.

        Hann er stundum stúrinn,

        stirður eftir lúrinn.

        Að hann sofi, að hann sofi

        enginn treystir því.

    

        Brunabíllinn, kötturinn og þrösturinn

        Lag: Jón Hlöðver Áskelsson

 

        Ba, bú, ba, bú,

        brunabíllinn flautar.

        Hvert er hann að fara?

        Vatn á eld að sprauta.

        (ts-s-s-s-s).

        Gerir alla blauta.

 

        Mjá, mjá, mjá, mjá,

        mjálmar gráa kisa.

        Hvert er hún að fara?

        Út í skóg að ganga.

        (usssssssssss)

        Skógarþröst að fanga.

 

        Bí, bí, bí, bí,

        Skógarþröstur syngur.

        Hvert er hann að fara?

        Burt frá kisu flýgur.

        (ff-ff-ff-ff)

        Loftin blá hann smýgur.

 

        Bangsímon

        Sit ég hér á grænni grein
        og geri fátt eitt annað,
        en éta hunang borða ber
        og/því bíða/bíta, allt er bannað.

        Dropar detta stórir hér,
        dropar detta, hvað finnst þér?
        Dropar detta allt um kring
        og dinga linga ling.

        Vatnið vex nú ótt og ótt/títt
        ég verð að flýja’ úr húsum.
        Sit ég hér í alla nótt/Hér sit ég í alla nótt
        og borða’ úr mínum krúsum.

        Dropar detta ofan í poll,
        dropar detta á minn koll.
        Dropar detta allt um kring,
        og dinga, linga, ling.

 

        Bjarnastaðabeljurnar

        Bjarnastaðabeljurnar,
        Þær baula mikið núna.
        Þær eru að verða vitlausar
        Það vantar eina kúna.
        Það gerir ekkert til.
        Það gerir ekkert til.
        Hún kemur um miðaftansbil.

 

        Bíum, bíum, bambaló

        Viðlag:
        Bíum, bíum, bambaló,
        bambaló og dillidillidó.
        Vini mínum vagga ég í ró,
        en úti bíður andlit á glugga.

        Þegar fjöllin fimbulhá
        fylla brjóst þitt heitri þrá,
        leika skal ég langspil á;
        það mun þinn hugann hugga.

        Viðlag…
        Þegar veður geisa grimm,
        grúfir yfir hríðin dimm,
        kveiki ég á kertum fimm,
        burt flæmi skammdegisskugga.

        Viðlag…

 

        Bjössi á mjólkurbílnum

        Hver ekur eins og ljón
        með aðra hönd á stýri?
        Bjössi á mjólkurbílnum,
        Bjössi á mjólkurbílnum.
        Hver stígur bensínið
        í botn á fyrsta gíri?
        Bjössi á mjólkurbílnum,
        hann Bjössi kvennagull.

 

        Berta bakarísterta.

        Óli fór til Bertu bakarístertu

        og bað hana að kyssa sig.

        Þá sagði Berta bakarísterta:

        Bara ef þú elskar mig.

        Þá sagði Óli, sem var á hjóli:

        Berta ég elska þig.

        Þá sagði Berta bakarísterta:

        Þá máttu kyssa mig